śrī aruṇācalāṣṭakam
darśanādabhrasadasi jananātkamalālaye |
kāśyāṃ tu maraṇānmuktiḥ smaraṇādaruṇācale || 1 ||
karuṇāpūritāpāṃgaṃ śaraṇāgatavatsalam |
taruṇeṃdujaṭāmauliṃ smaraṇādaruṇācalam || 2 ||
samastajagadādhāraṃ saccidānaṃdavigraham |
sahasrarathasopetaṃ smaraṇādaruṇācalam || 3 ||
kāṃcanapratimābhāsaṃ vāṃchitārthaphalapradam |
māṃ ca rakṣa surādhyakṣaṃ smaraṇādaruṇācalam || 4 ||
baddhacaṃdrajaṭājūṭamardhanārīkalebaram |
vardhamānadayāṃbhodhiṃ smaraṇādaruṇācalam || 5 ||
kāṃcanapratimābhāsaṃ sūryakoṭisamaprabham |
baddhavyāghrapurīdhyānaṃ smaraṇādaruṇācalam || 6 ||
śikṣayākhiladevāri bhakṣitakṣvelakaṃdharam |
rakṣayākhilabhaktānāṃ smaraṇādaruṇācalam || 7 ||
aṣṭabhūtisamāyuktamiṣṭakāmaphalapradam |
śiṣṭabhaktisamāyuktān smaraṇādaruṇācalam || 8 ||
vināyakasurādhyakṣaṃ viṣṇubrahmeṃdrasevitam |
vimalāruṇapādābjaṃ smaraṇādaruṇācalam || 9 ||
maṃdāramallikājātikuṃdacaṃpakapaṃkajaiḥ |
iṃdrādipūjitāṃ devīṃ smaraṇādaruṇācalam || 10 ||
saṃpatkaraṃ pārvatīśaṃ sūryacaṃdrāgnilocanam |
maṃdasmitamukhāṃbhojaṃ smaraṇādaruṇācalam || 11 ||
iti śrīaruṇācalāṣṭakam ||
