devi krod'amukhi tvadanghrikamaladvandvaanuraktaatmane
mahyam druhyati yo maheshi manasaa kaayena vaachaa narah' |
tasyaashu tvadayogranisht'hurahalaaghaataprabhootavyathaa-
-paryasyanmanaso bhavantu vapushah' praanaah' prayaanonmukhaah' || 1 ||
devi tvatpadapadmabhaktivibhavapraksheenadushkarmani
praadurbhootanri'shamsabhaavamalinaam vri'ttim vidhatte mayi |
yo dehee bhuvane tadeeyahri'dayaannirgatvarairlohitaih'
sadyah' poorayase karaabjachashakam vaanchhaaphalairmaamapi || 2 ||
chand'ottund'avideernadamsht'rahri'dayaprodbhinnaraktachchhat'aa
haalaapaanamadaat't'ahaasaninadaat'opaprataapotkat'am |
maatarmatparipanthinaamapahri'taih' praanaistvadanghridvayam
dhyaanoddaamaravairbhavodayavashaatsantarpayaami kshanaat || 3 ||
shyaamaam taamarasaananaanghrinayanaam somaardhachood'aam jaga-
-ttraanavyagrahalaayudhaagramusalaam santraasamudraavateem |
ye tvaam raktakapaalineem haravaraarohe varaahaananaam
bhaavaih' sandadhate katham kshanamapi praananti teshaam dvishah' || 4 ||
vishvaadheeshvaravallabhe vijayase yaa tvam niyantryaatmikaa
bhootaantaa purushaayushaavadhikaree paakapradaakarmanaam |
tvaam yaache bhavateem kimapyavitatham yo madvirodheejana-
-stasyaayurmama vaanchhitaavadhibhavenmaatastavaivaajnyayaa || 5 ||
maatah' samyagupaasitum jad'amatistvaam naiva shaknomyaham
yadyapyanvitadaishikaanghrikamalaanukroshapaatrasya me |
jantuh' kashchana chintayatyakushalam yastasya tadvaishasam
bhooyaaddevi virodhino mama cha te shreyah' padaasanginah' || 6 ||
vaaraahee vyathamaanamaanasagalatsaukhyam tadaashaabalim
seedantam yamapaakri'taadhyavasitam praaptaakhilotpaaditam |
krandadbandhujanaih' kalankitatulam kant'havranodyatkri'mi
pashyaami pratipakshamaashu patitam bhraantam lut'hantam muhuh' || 7 ||
vaaraahee tvamasheshajantushu punah' praanaatmikaa spandase
shaktivyaaptacharaacharaa khalu yatastvaametadabhyarthaye |
tvatpaadaambujasangino mama sakri'tpaapam chikeershanti ye
teshaam maa kuru shankarapriyatame dehaantaraavasthitim || 8 ||
iti shree vaaraaheenigrahaasht'akam |
