ಈಶ್ವರ ಉವಾಚ |
ಮಾತರ್ಜಗದ್ರಚನನಾಟಕಸೂತ್ರಧಾರ-
-ಸ್ತ್ವದ್ರೂಪಮಾಕಲಯಿತುಂ ಪರಮಾರ್ಥತೋಽಯಂ |
ಈಶೋಽಪ್ಯಮೀಶ್ವರಪದಂ ಸಮುಪೈತಿ ತಾದೃಕ್
ಕೋಽನ್ಯಃ ಸ್ತವಂ ಕಿಮಿವ ತಾವಕಮಾದಧಾತು || 1 ||
ನಾಮಾನಿ ಕಿಂತು ಗೃಣತಸ್ತವ ಲೋಕತುಂಡೇ
ನಾಡಂಬರಂ ಸ್ಪೃಶತಿ ದಂಡಧರಸ್ಯ ದಂಡಃ |
ಯಲ್ಲೇಶಲಂಬಿತಭವಾಂಬುನಿಧಿರ್ಯತೋಽಯತ್
ತ್ವನ್ನಾಮಸಂಸ್ಮೃತಿರಿಯಂ ನ ನುನಃ ಸ್ತುತಿಸ್ತೇ || 2 ||
ತ್ವಚ್ಚಿಂತನಾದರಸಮುಲ್ಲಸದಪ್ರಮೇಯಾ-
-ಽಽನಂದೋದಯಾತ್ಸಮುದಿತಃ ಸ್ಫುಟರೋಮಹರ್ಷಃ |
ಮಾತರ್ನಮಾಮಿ ಸುದಿನಾನಿ ಸದೇತ್ಯಮುಂ ತ್ವಾ-
-ಮಭ್ಯರ್ಥಯೇಽರ್ಥಮಿತಿ ಪೂರಯತಾದ್ದಯಾಲೋ || 3 ||
ಇಂದ್ರೇಂದುಮೌಲಿವಿಧಿಕೇಶವಮೌಲಿರತ್ನ-
-ರೋಚಿಶ್ಚಯೋಜ್ಜ್ವಲಿತಪಾದಸರೋಜಯುಗ್ಮೇ |
ಚೇತೋ ನತೌ ಮಮ ಸದಾ ಪ್ರತಿಬಿಂಬಿತಾ ತ್ವಂ
ಭೂಯಾ ಭವಾನಿ ಭವನಾಶಿನಿ ಭಾವಯೇ ತ್ವಾಂ || 4 ||
ಲೀಲೋದ್ಧೃತಕ್ಷಿತಿತಲಸ್ಯ ವರಾಹಮೂರ್ತೇ-
-ರ್ವಾರಾಹಮೂರ್ತಿರಖಿಲಾರ್ಥಕರೀ ತ್ವಮೇವ |
ಪ್ರಾಲೇಯರಶ್ಮಿಸುಕಲೋಲ್ಲಸಿತಾವತಂಸಾ
ತ್ವಂ ದೇವಿ ವಾಮತನುಭಾಗಹರಾ ಹರಸ್ಯ || 5 ||
ತ್ವಾಮಂಬ ತಪ್ತಕನಕೋಜ್ಜ್ವಲಕಾಂತಿಮಂತ-
-ರ್ಯೇ ಚಿಂತಯಂತಿ ಯುವತೀತನು ಮಾಗಲಾಂತಾಂ |
ಚಕ್ರಾಯುಧಾಂ ತ್ರಿನಯನಾಂ ವರಪೋತೃವಕ್ತ್ರಾಂ
ತೇಷಾಂ ಪದಾಂಬುಜಯುಗಂ ಪ್ರಣಮಂತಿ ದೇವಾಃ || 6 ||
ತ್ವತ್ಸೇವನಸ್ಖಲಿತಪಾಪಚಯಸ್ಯ ಮಾತ-
-ರ್ಮೋಕ್ಷೋಽಪಿ ಯಸ್ಯ ನ ಸತೋ ಗಣನಾಮುಪೈತಿ |
ದೇವಾಸುರೋರಗನೃಪೂಜಿತಪಾದಪೀಠಃ
ಕಸ್ಯಾಃ ಶ್ರಿಯಃ ಸ ಖಲು ಭಾಜನತಾಂ ನ ಧತ್ತೇ || 7 ||
ಕಿಂ ದುಷ್ಕರಂ ತ್ವಯಿ ಮನೋವಿಷಯಂ ಗತಾಯಾಂ
ಕಿಂ ದುರ್ಲಭಂ ತ್ವಯಿ ವಿಧಾನುವದರ್ಚಿತಾಯಾಂ |
ಕಿಂ ದುರ್ಭರಂ ತ್ವಯಿ ಸಕೃತ್ ಸ್ಮೃತಿಮಾಗತಾಯಾಂ
ಕಿಂ ದುರ್ಜಯಂ ತ್ವಯಿ ಕೃತಸ್ತುತಿವಾದಪುಂಸಾಂ || 8 ||
ಇತಿ ಶ್ರೀ ವಾರಾಹ್ಯನುಗ್ರಹಾಷ್ಟಕಂ |
